UM MIG

Mitt stærsta og mikilvægsta hlutverk er að vera ég sjálf og það er frelsi að segja að ég sé ég, frekar en að ég skilgreini mig út frá starfi, fjölskyldu, menntun eða öðru. Okkur er mjög tamt að skilgreina okkur út frá þessum þáttum en ég eins og aðrir gegni svo fullt af öðrum hlutverkum sem eru hluti af mér.

Ég hef valið að vera eiginkona og svo er ég svo heppin að fá að vera móðir sem er einstaklega ábyrgðafullt hlutverk. Foreldrahlutverkið hefur kennt mér svo margt og hefur markþjálfun verið ein besta uppeldisaðferðin sem ég hef kynnst. Ég hef einnig önnur hlutverk sem ég hef ekki valið mér einsog að vera dóttir, systir, frænka o.s.frv.

Ég gerði ýmislegt áður en ég varð markþjálfi og hef víðtæka reynslu. Ég var ekki alltaf viss um hvað ég vildi, sem dæmi prufaði ég þrjá framhaldsskóla og endaði með því að ljúka stúdentsprófi af ferðamálabraut frá Menntaskólanum í Kópavogi árið 1995.

Strax að loknum framhaldsskóla bjó ég í Þýskalandi í tæpt ár eftir stúdentspróf til að ná tökum á þýsku. Ferðamálafræðin átti hug minn allan á þessum tíma og lauk ég einnig diploma námi sem ferðaráðgjafi og starfaði sem slíkur fyrst á Íslandi, síðar í Noregi og aftur á Íslandi frá 1996 - 2014. Ég fór að læra mannauðsstjórnun í Háskóla Ísland og tók þar diploma nám í Endurmenntun árið 2010.

Árið 2009 fékk ég draumastarfið mitt eða það hélt ég og þar sem mannveran hefur alltaf verið mér hugleikin langaði mér mikið að vinna með mannauðinn hjá fyrirtækinu sem þetta starf var hjá. Það fór þó öðruvísi en ég hélt og árið 2014 tók ég u-beygjuna mína og lærði markþjálfun sem var lífsbreytandi fyrir mig. Ég umbreytist í mig í því lærdómsferli.

Í dag er ég PCC (Professioan Certified Coach) vottaður markþjálfi síðan í apríl 2018 og stefni á MCC (Master Certified Coach) innan nokkurra ára. Ég hef verið sjálfstætt starfandi síðan ég valdi að læra markþjálfun 2014 og tek einnig að mér allskonar spennandi verkefni.

Sem dæmi um verkefni sem ég hef tekið þátt í er m.a. að ég er leiðbeinandi í grunn - og framhaldsmarkþjálfanámi hjá Evolvia ehf síðan haustið 2016. Ég sinni markþjálfun í grunnskólum og vinn að innleiðingu markþjálfunar í skólakerfið á Íslandi með hugsjónarfélagi mínu í Markþjálfahjartanu sem er einskonar góðgerðarstarfssemi. Ég held styttri og lengri námskeið sem ég hanna sjálf og einnig í samstarfi við aðra. Held fyrirlestra um mikilvægi þess að hlusta á innri röddina ofl. Ég hef menntað mig sem Krakkajógakennari hjá Little Flower Yoga og einnig sem Jóga Nidra kennari hjá Jennifer Reis og brenn mikið fyrir innri ró. Þessi tól hjálpa mér að komast þangað og þannig hjálpa ég öðrum líka þangað.

Viðskiptahópurinn minn hefur hingað til verið úr ólíkum áttum, það sem er mikilvægast fyrir mig er að kunna aðferðina vel (markþjálfun) þá er hægt að markþjálfa hvern sem er. Ég segi oft að ég sé umbreytingarþjálfari því ég trúi því að allir sem gefa sér þann fallega tíma að líta inná við stuðli að innri vexti sem styður okkur í því að umbreytast og verða besta útgáfan af okkur sjálfum.

professional-certified-coach-pcc.png
 

©2020 by Hver er ég - Markþjálfun